إذا كنت تنظم مؤتمر أو ملتقى أو معرض، فموقع الفعالية هو أول مكان يرجع له الحاضر والمتحدث والراعي. وبصراحة، كثير من المواقع تنطلق بشكل حلو، وبعد أسابيع تتفرق المعلومات بين الموقع وحسابات التواصل وملفات مرسلة بالواتساب. في هذا المقال نوضح اهم محتويات الموقع الالكتروني المخصص للفعاليات والمؤتمرات ليكون ناجح، وكيف ترتبها بحسب مراحل الفعالية.
ليش تتعثر مواقع الفعاليات؟
المشكلة الأشهر إن الموقع يطلع عن الواقع: البرنامج تغيّر وصفحة الموقع ما تحدّثت، متحدث انضاف وما انعرض، أو رابط التسجيل بقي بعد ما انتهى. الحل يبدأ من تصميم الموقع على أساس إن محتواه يتغير باستمرار، ويقدر فريقك يحدّثه بنفسه من لوحة تحكم واضحة، بدل ما كل تعديل يصير طلب تقني.
اهم محتويات الموقع الالكتروني للفعاليات والمؤتمرات قبل الحدث
قبل الفعالية الهدف هو إقناع الزائر بالتسجيل والحضور، وهذي الأقسام الأساسية:
تعريف الفعالية
اسم الفعالية، التاريخ، المكان، الجهة المنظمة، وشرح مختصر عن الهدف والجمهور المستهدف. هذا أول شي يدور عليه الزائر.
البرنامج الزمني
جدول واضح بالجلسات والأوقات والقاعات. كل ما كان أسهل في القراءة من الجوال، قلّت الأسئلة اللي توصل لفريقك.
ملفات المتحدثين
صورة ونبذة وجهة عمل لكل متحدث، مرتبطة بجلساته. هذي من أقوى العناصر اللي تعطي الفعالية مصداقية.
الرعاة والشركاء
الراعي يبي يشوف شعاره في مكان يليق به. من الأفضل تقسيم الرعاة إلى فئات بحيث تتحكم في أولوية الظهور وحجم العرض.
رابط التسجيل
زر تسجيل واضح في الصفحة الرئيسية يوجّه الزائر لرابط التسجيل، بدون ما يتوه بين الصفحات.
MAFAZA EVENTموقع احترافي لمؤتمرك القادمالبرنامج والمتحدثون والرعاة ورابط التسجيل، بالعربية والإنجليزية.اكتشف العرض الفني ←دفعة واحدة · بلا اشتراك
محتوى الموقع أثناء الفعالية
خلال أيام الحدث يحتاج الحاضر يعرف وش الجلسة الجاية وين، وأي تغيير في الجدول لازم ينعكس فوراً. هنا تهمّك سرعة التحديث وصلاحيات الفريق: مين ينشر، ومين يعدّل، ومين يراجع. وجود سجل تغييرات وصلاحيات مستخدمين يخفف الأخطاء وقت الضغط.
محتوى الموقع بعد الفعالية
كثير يهملون هذي المرحلة، وهي اللي تبني سمعة النسخ القادمة. انشر الصور والمواد والمحتوى الإعلامي، واحتفظ بكل نسخة من الفعالية في أرشيف مستقل بدل ما تُمسح أو تختلط بالنسخة الجديدة. بهذا يشوف الراعي المحتمل تاريخ فعاليتك بوضوح.
اختيار نظام يجمع كل هذا في لوحة وحدة
الحين لو كنت تجمع هذي الأقسام بأدوات متفرقة، بتتعب في التنسيق. لهذا صمّمنا نظام مفازا للفعاليات والمؤتمرات: لوحة تحكم عربية تدير من خلالها تعريف الفعالية، والبرنامج والمتحدثين، والحوكمة، والرعاية، والمحتوى والإعلام، والنسخ السابقة، والموقع ثنائي اللغة بالعربية والإنجليزية.
- ترتيب أو إخفاء 13 قسماً في الصفحة الرئيسية بدون كود.
- أربع فئات للرعاة مع أولوية وحجم عرض.
- ألوان تناسب هوية فعاليتك وثلاثة تخطيطات للصفحة الرئيسية.
- لوحة إدارة بالعربية فيها التحكم في النشر وسجل التغييرات وصلاحيات المستخدمين واستعادة المحذوفات والنسخ الاحتياطية وصندوق الوارد ومدير الملفات.
الظهور في محركات البحث
موقع الفعالية لازم يطلع إذا الشخص بحث عنه، سواءً بحث في قوقل او حتى في ChatGPT.
لذلك حرصنا في مفازا ايفنتس، ان نطور آلية ارشفة مميزة وسريعة للعناوين للأرشفة في محركات البحث، وبيانات منظمة هيكلية في كود الصفحة للأرشفة في محركات الذكاء الإصطناعي، وتحليلات، والتحكم في الفهرسة. هذي كلها جاهزة في النظام كأساس للظهور في البحث التقليدي وبحث الذكاء الاصطناعي.
وش اللي ما يغطيه النظام؟
الشفافية تهمنا: النظام موقع تعريفي وإداري للفعالية، وما يشمل بيع التذاكر، ولا المدفوعات، ولا تسجيل الحضور والدخول، ولا الشارات، ولا البث المباشر، ولا حجز الفنادق، ولا تطبيق جوال. تعرف هذا من البداية وتقرر إذا يناسب احتياجك.
لكن هذا مايعني ان التكامل غير موجود، في مفازا ايفنتس حسبنا حساب الشركات المنظمة اللي توفر نظام تسجيل وتذاكر مع إدارة حشود.
بكل بساطة يتم اخذ الرابط الإلكتروني لمنصة التسجيل، واضافتها تكاملياً مع نظام مفازا ايفنتس بدون برمجة واكواد!
لأي فعاليات يناسب؟
يناسب الفعاليات الحكومية والعلمية والمعارض التجارية والملتقيات الأعمالية والأكاديمية والثقافية وفعاليات القطاع غير الربحي.
الخلاصة
الموقع الناجح للفعالية يغطي المراحل الثلاث: تعريف وبرنامج ومتحدثون ورعاة وتسجيل قبل الحدث، وتحديث سريع أثناءه، وأرشيف ومحتوى إعلامي بعده، وكل هذا بلوحة يتحكم فيها فريقك بنفسه.
ودك تشوف كيف يشتغل عملياً؟ في صفحة مفازا للفعاليات والمؤتمرات تقدر تشاهد النموذج الحي، وتقرأ الأسئلة الشائعة، وتتأكد إن النظام يناسب فعاليتك، وتطلب عرضاً رسمياً إذا ناسبك.
LIVE · نموذج حيجرّب MAFAZA EVENT بنفسك قبل أن تقررmafaza.solutions/demo/client-eventsافتح النموذج ↗